«Барселона» ва Испания терма жамоаси вингери Ламин Ямал матбуот анжуманида журналистлар билан суҳбат чоғида ўз олдига қўйган иккита катта мақсадини маълум қилди.
— Уч йилдан кейин ўзингни қандай тасаввур қиласан?
— Очиғи — билмайман. Умид қиламанки, ўшанда ҳозиргидан кўра анча кўп совринларим бўлади. Бу вақт ичида Жаҳон чемпионати ва Чемпионлар лигасида ғалаба қозонишдан умидворман. Титул келтирадиган ҳар қандай ютуқ мени бахтли қилади, — деди Ямал.
Эслатиб ўтамиз, 2024 йилда Ямал Испания терма жамоаси таркибида Европа чемпиони бўлган эди. Шу йилнинг ёзида эса «қизил фурия» Жаҳон чемпионатида иштирок этади. Гуруҳ босқичида испанияликлар Кабо-Верде, Саудия Арабистони ва Уругвай терма жамоаларига қарши баҳс олиб борадилар.
