Италиянинг «Интер» клуби «Брюгге» ҳимоячиси Хоэль Ордоньес билан шартнома имзолашга қизиқиш билдирмоқда, деб хабар бермоқда Calciomercato.
Манбанинг маълумотларига кўра, 21 ёшли венесуэлалик футболчи «Интернационале»нинг марказий ҳимоя чизиғи учун асосий номзодлар рўйхатидан жой олган. Бироқ унинг трансфери учун 35 миллиондан 40 миллион еврогача маблағ талаб этилади.
Ордоньес 2023 йилнинг июль ойидан бери «Брюгге» шарафини ҳимоя қилиб келмоқда. Унинг клуб билан амалдаги шартномаси 2029 йилнинг 30 июнигача мўлжалланган. 2025/26 йилги мавсумда футболчи 38 та ўйинда майдонга тушиб, тўртта гол уришга муваффақ бўлди.
Transfermarkt портали футболчининг трансфер қийматини 33 миллион еврога баҳоламоқда.
