«Манчестер Юнайтед» бош мураббийи Майкл Кэррик АПЛ 32-тури доирасида «Лидс»дан қабул қилинган мағлубиятдан (1:2) кейинги ҳиссиётлари билан ўртоқлашди.

«Биз ўйинни ёмон бошладик. Лени Йоронинг боши орқа қисмига тирсак билан зарба берилганидан сўнг гол ўтказиб юбордик. Ҳакамлар бу голни бекор қилишмади ва бу муҳим эпизодга айланди. Лекин бу вазиятни ҳеч ким қайта кўриб чиқмади, шундай эмасми?

Бизга ўйин мароми етишмади. Вазиятлар бўлди, лекин бўлимнинг катта қисмида ўйиндан узилиб қолдик. Назаримда, йигитлар жанговар руҳиятни сақлаб қолишди ва иккинчи бўлимда, ҳатто Лисандронинг ҳайратланарли четлатилишидан кейин ҳам охиригача курашишди», — дея Кэррикнинг сўзларини келтиради Sky Sports.

«Манчестер Юнайтед» 55 очко билан АПЛ турнир жадвалида учинчи ўринда қолди. «Лидс» эса 36 очко билан 15-поғонани эгаллаб турибди.