«Ливерпуль» бош мураббийи Арне Слот Чемпионлар лигаси чорак финалидан ўрин олган жавоб учрашуви олдидан «ПСЖ» жамоаси ҳақида ўз фикрларини билдирди.

«ПСЖ» — футболчилари доимий равишда позицияларини ўзгартириб турадиган ноёб жамоа... Ҳа, уларни ўзига хос қиладиган жиҳатлар бор. Ўнг қанот ҳимоячиси чап қанот вингери позициясида пайдо бўлиши, «тўққизлик» эса мудофаа марказидан жой олиши — бундай ҳолатни тез-тез учратавермайсиз, шу маънода улар ҳақиқатан ҳам алоҳида ажралиб туришади. Бироқ гап фақатгина бу ҳаракатларда эмас, балки уларнинг тезлиги, чидамлилиги ва тўп билан қандай ишлашидадир. Эҳтимол, ҳатто дарвозабони ҳам буни уддалар ва рақибни алдаб ўтишга интилар. Лекин, биринчи навбатда, уларни Луис Энрике яратган тизим бошқалардан ажратиб туради, бу тизим бошқа жамоаларникидан фарқ қилади», — дея Слотнинг сўзларини келтиради L'Équipe нашри.