Англиялик ҳужумчи Харри Кейн Мюнхенда ўз ўрнини топган бўлса-да, унинг янги лойиҳасига қараганда, у ерда узоқ қолмоқчи эмас. Кейн Англияда янги турар жой қуришни режалаштирган — ушбу лойиҳа футболчига 20 миллион еврога тушади.

Гап ҳақиқий сарой ҳақида кетмоқда. У ерда ёпиқ бассейн каби «майда-чуйда»лардан ташқари, алоҳида кинозал ва ҳатто вертолёт қўниш майдончаси ҳам бўлади. derbyderbyderby.it нашрининг қайд этишича, бу аслида кичик бир шаҳарча бўлиб, у ерда Кейн ва унинг оиласи ташқи олам билан алоқа қилмасдан яшаши, шуғулланиши ва муҳим баҳсларга тайёргарлик кўриши мумкин бўлади.

Эслатиб ўтамиз, футболчи 2023 йилдан буён «Бавария» шарафини ҳимоя қилиб келмоқда.