Якшанба куни Килиан Мбаппе «Реал» машғулотларини ўтказиб юборди. «Жирона»га қарши кечган аввалги ўйинда рақиб билан тўқнашиб кетганидан сўнг, Мбаппенинг қош қисмига бир нечта чок қўйилган эди. Жароҳат жиддий эмас — француз аллақачон машғулотларга қайтди.
AS нашрининг хабар беришича, Мбаппе «Бавария»га қарши баҳсда ниқобда эмас, балки ҳимоя боғламида (пластырь) майдонга тушади. Муаммо у қадар катта бўлмагани сабабли футболчига махсус ҳимоя ниқобининг кераклиги йўқ.
«Бавария» ва «Реал» жамоалари чоршанба, 15 апрель куни Чемпионлар лигаси 1/4 финалининг жавоб учрашувини ўтказишади. Мюнхендаги ўйин Тошкент вақти билан соат 00:00 да (16 апрелга ўтар кечаси) бошланади. Ўтган ҳафтада ўз майдонида кечган дастлабки баҳсда «Реал» Бундеслига чемпионига 1:2 ҳисобида имкониятни бой берган эди.
