«Ньюкасл» учун жорий мавсум кўнгилдагидек кечмаяпти. Ўтган дам олиш кунлари Эдди Хау шогирдлари «Кристал Пэлас»га 1:2 ҳисобида имкониятни бой беришди. Ҳозирда «қарғалар» Премьер-лига турнир жадвалида 14-ўринни эгаллаб туришибди ва уларнинг еврокубоклар ҳудудига кўтарилиш имкониятлари паст баҳоланмоқда.
Натижалар қониқарли бўлмаса-да, «Ньюкасл» раҳбарияти бош мураббий Эдди Хауни қўллаб-қувватлашда давом этмоқда. Бу ҳақда The Athletic нашри хабар бермоқда.
Мавсум якунлангач, ёзда клуб бошлиқлари вазиятга баҳо беришни режалаштиришган. Хау раҳбарият ўртасида катта ҳурматга эга, шу сабабли мураббийнинг ўзи ҳам ушбу таҳлил жараёнларида иштирок этади.
«Ньюкасл» Премьер-лига доирасидаги навбатдаги ўйинини 18 апрель куни ўз майдонида «Борнмут»га қарши ўтказади.
