«Nyukasl» uchun joriy mavsum ko‘ngildagidek kechmayapti. O‘tgan dam olish kunlari Eddi Xau shogirdlari «Kristal Pelas»ga 1:2 hisobida imkoniyatni boy berishdi. Hozirda «qarg‘alar» Premyer-liga turnir jadvalida 14-o‘rinni egallab turishibdi va ularning yevrokuboklar hududiga ko‘tarilish imkoniyatlari past baholanmoqda.
Natijalar qoniqarli bo‘lmasa-da, «Nyukasl» rahbariyati bosh murabbiy Eddi Xauni qo‘llab-quvvatlashda davom etmoqda. Bu haqda The Athletic nashri xabar bermoqda.
Mavsum yakunlangach, yozda klub boshliqlari vaziyatga baho berishni rejalashtirishgan. Xau rahbariyat o‘rtasida katta hurmatga ega, shu sababli murabbiyning o‘zi ham ushbu tahlil jarayonlarida ishtirok etadi.
«Nyukasl» Premyer-liga doirasidagi navbatdagi o‘yinini 18 aprel kuni o‘z maydonida «Bornmut»ga qarshi o‘tkazadi.
