«Барселона» клубининг шикоятидан сўнг, «Атлетико» стадиони майдонидаги майсалар калталаб қирқиладиган бўлди.

Бугун «Метрополитано» стадионида Чемпионлар Лигаси 1/4 финали доирасида «Атлетико» ва «Барселона» ўртасидаги жавоб учрашуви бўлиб ўтади (биринчи ўйин – 2:0). Душанба куни каталонияликлар бош мураббийи Ханс-Дитер Флик УЕФА вакилларига майдондаги майсанинг баландлиги ва унинг етарлича намланмаганидан шикоят қилган эди.

Журналист Елена Кондиснинг хабар беришича, «Барселона»нинг машғулотидан сўнг майдондаги майсалар қирқилган. Бугун кундузи газон яна бир бор калталатилади, токи майса баландлиги регламентга мувофиқ бўлсин. УЕФА кечқурунгача майса баландлиги 26 миллиметрдан ошмаслигини таъминлаш мажбуриятини олди. Регламентга кўра, у 30 миллиметрдан ошмаслиги керак.

Қайд этилишича, «Атлетико» клуби Фликнинг шикоятларини ўйин олдидан босимни кучайтиришга бўлган уриниш сифатида қабул қилган.