«Брайтон» ва Нидерландия терма жамоаси дарвозабони Барт Вербрюгген фаолиятини Европанинг йирик клубларидан бирида давом эттириши мумкин.

Ижтимоий тармоқларда 242 минг кузатувчига эга бўлган машҳур журналист Экрем Конурнинг хабар беришича, 23 ёшли голкиперга «ПСЖ», «Бавария», «Челси» ва «Арсенал» клублари даъвогарлик қилмоқда. Бироқ футболчи учун асосий даъвогар «Интер» бўлиб турибди.

Transfermarkt портали Вербрюггеннинг қийматини 40 миллион еврога баҳоламоқда. Жорий мавсумда у АПЛнинг 32 та ўйинида 37 та гол ўтказиб юборди ва 8 та учрашувда ўз дарвозаси дахлсизлигини сақлаб қолди.