«Brayton» va Niderlandiya terma jamoasi darvozaboni Bart Verbryuggen faoliyatini Yevropaning yirik klublaridan birida davom ettirishi mumkin.
Ijtimoiy tarmoqlarda 242 ming kuzatuvchiga ega bo‘lgan mashhur jurnalist Ekrem Konurning xabar berishicha, 23 yoshli golkiperga «PSJ», «Bavariya», «Chelsi» va «Arsenal» klublari da’vogarlik qilmoqda. Biroq futbolchi uchun asosiy da’vogar «Inter» bo‘lib turibdi.
Transfermarkt portali Verbryuggenning qiymatini 40 million yevroga baholamoqda. Joriy mavsumda u APLning 32 ta o‘yinida 37 ta gol o‘tkazib yubordi va 8 ta uchrashuvda o‘z darvozasi daxlsizligini saqlab qoldi.
