«Бавария» ва Нидерландия терма жамоасининг собиқ ярим ҳимоячиси Арьен Роббен Мюнхен клубининг Венсан Компани қўл остидаги ривожланишига юқори баҳо берди.
«Бавария» ҳақиқий бир жамоа сифатида шаклланган. Венсан Компани жуда яхши ишни амалга оширди. Улар ҳужумга тез ўтишмоқда ва ҳимояга ҳам худди шундай тез қайтишмоқда. Юқори даражадаги жамоага хос хусусият ҳам айнан шу — барчанинг бирдек ҳимояга қайтиши ва чекинишидир.
Ҳозирда ҳамма нарса кераклидек ишламоқда, ҳар бир футболчи ўз вазифасини яхши билади. Уларда аниқ режа бор ва деярли ҳар бир ўйинда рақибдан устун келишмоқда», — дея Роббеннинг сўзларини келтирмоқда Мюнхен клуби расмий сайти.
Айни дамда «Бавария» Бундеслигада пешқадамлик қилмоқда ва УЕФА Чемпионлар Лигасининг 1/4 финалида иштирок этмоқда. Эслатиб ўтамиз, эртага жамоани «Реал Мадрид»га қарши ўта муҳим жавоб ўйини кутмоқда.
