«Атлетико»нинг собиқ ҳужумчиси Хавьер Морено Чемпионлар Лигаси чорак финали доирасидаги «матрасчилар» ва «Барселона» ўртасидаги жавоб ўйини олдидан ўз фикрлари билан ўртоқлашди.

«Атлетико» кейинги босқичга чиқиш учун бугун ҳужум қилиши шарт. Агар жамоа фақат натижани ҳимоя қилишга ҳаракат қилса, бу хавфли бўлиши мумкин. Чунки «Барселона» таркибида иккитадан кўп гол ура оладиган ажойиб футболчилар бор.

Шу сабабли, «Атлетико» қўрқмасдан, жасурлик билан ўйнаши керак — шундагина улар кейинги босқичга чиқа оладилар», — деди Морено.

Эслатиб ўтамиз, биринчи ўйинда «Атлетико» сафарда «Барселона»ни 2:0 ҳисобида мағлуб этган эди. Жавоб ўйини бугун, 14 апрель куни Мадридда бўлиб ўтади.