«ПСЖ»га қарши баҳс Англиянинг «Ливерпуль» клуби учун жорий мавсумдаги барча мусобақаларни ҳисобга олганда 50-ўйин бўлди. Мусобақанинг амалдаги ғолибидан жавобсиз иккита гол ўтказиб юборган Арне Слот шогирдлари мавсумдаги 17-мағлубиятини қабул қилиб олишди. Ўртача ҳисобда «Ливерпуль» ҳар учта ўйиндан биттасида мағлуб бўлмоқда.

Эслатиб ўтамиз, «ПСЖ»дан учралган мағлубият клуб учун Чемпионлар лигаси билан хайрлашишни англатар эди. Инглиз клуби Европанинг энг нуфузли турнирида охирги марта 2019 йилда зафар қучган. Ўшанда «Ливерпуль»ни 2024 йилда жамоани тарк этган германиялик мутахассис Юрген Клопп бошқарган эди.