Лондоннинг «Арсенал» жамоаси устидан ғалаба қозониш учун бутун ўйин давомида ўз услубини сақлаб қолиш лозим. Бу ҳақда Лиссабоннинг «Спортинг» клуби бош мураббийи Руй Боржес Чемпионлар лигаси чорак финали доирасидаги жамоалар ўртасида кечадиган жавоб учрашуви олдидан баёнот берди.
Шунингдек, у «Спортинг» футболчиларининг мотивацияси юқори даражада эканлигини таъкидлади.
«Ўйиндан завқ олиш, клуб ҳали эриша олмаган чўққиларга интилиш ва шу билан бирга, бу вазифа қанчалик мураккаб эканини аниқ англаб етиш муҳим», — дея мутахассиснинг сўзларидан иқтибос келтиради УЕФА матбуот хизмати.
