Лиссабоннинг «Спортинг» клуби бош мураббийи Руй Боржес Чемпионлар лигаси чорак финали доирасида Лондоннинг «Арсенал» жамоасига қарши кечадиган жавоб учрашувидан нималар кутаётгани билан ўртоқлашди.
Мутахассис жорий мавсумдаги мусобақада ҳали ҳеч ким «тўпчилар»ни мағлуб эта олмаганига тўхталиб ўтди.
«Биз ушбу Чемпионлар лигасида ҳали ҳеч ким уддалай олмаган ишни қилишимиз — «Арсенал»ни мағлуб этишимиз керак. Ҳар бир футболчининг характерига бўлган ишончимиз чексиз», — дея таъкидлади Боржес УЕФА матбуот хизмати билан суҳбатда.
