Бразилия президенти Луис Инасиу Лула да Силва мамлакат миллий терма жамоаси бош мураббийи Карло Анчелотти билан учрашув ўтказди. Томонлар юлдуз ҳужумчи Неймарни 2026 йилги жаҳон чемпионатига чақириш имкониятини муҳокама қилишди.
«Мулоқот давомида Анчелотти Неймарни Бразилия терма жамоасига таклиф қилиш керакми-йўқми, деб сўради. Мен эса: «Агар у ҳозир жамоа учун ўйнашга тўлиқ тайёр бўлса, уни чақириш мумкин», — деб жавоб бердим», — дея президентнинг сўзларини келтиради RMC Sport.
Эслатиб ўтамиз, айни дамда 34 ёшли ҳужумчи Бразилиянинг «Сантос» клуби аъзоси ҳисобланади.
ЖЧ-2026 Шимолий Америкада бўлиб ўтади. Бразилия гуруҳ босқичида Шотландия, Марокаш ва Гаити терма жамоалари билан тўқнаш келади.
