Туриннинг «Ювентус» клуби ярим ҳимоячиси ва сардори Мануэль Локателли янги меҳнат шартномасини имзолаш борасида келишувга эришди. Бу ҳақда La Gazzetta dello Sport журналистлари хабар бермоқда.
Манба берган маълумотларга кўра, томонлар ҳамкорликни 2030 йилнинг ўрталарига қадар узайтиришади. Локателлининг «кекса синьора» билан амалдаги шартномаси 2028 йилнинг ёзигача мўлжалланган эди.
Италия А Сериясининг жорий мавсумида Мануэль 30 та учрашувда майдонга тушиб, ўз ҳисобига битта гол ва иккита голли узатмани ёздириб қўйди.
Италия чемпионати турнир жадвалида Турин гранди 60 очко билан тўртинчи ўринни эгаллаб турибди.
