«Барселона»нинг собиқ юлдузи Тьерри Анри каталонияликларнинг Чемпионлар Лигаси чорак финалида «Атлетико»дан мағлуб бўлгани (умумий ҳисоб 2:3) ҳақида гапирди.

«Барселона»га зудлик билан юқори савиядаги ҳимоячилар керак. Биз ҳакамлик ҳақида туни билан гаплашишимиз мумкин, аммо ўзимизни ҳам танқид қилишни билишимиз лозим. Жамоада яхшиланиши керак бўлган жиҳатлар жуда кўп ва улар буни қилишга мажбур. Агар ҳеч нарса ўзгармаса, яқин ўн йил ичида ҳам бир хил манзарани кўраверамиз, бу эса ачинарли.

Бундай йирик Европа ўйинларида юқори ҳимоя чизиғи ва бундай ҳимояланиш услуби билан ўйнаш вазиятни жуда қийинлаштиради. Мен буни икки йилдан бери айтяпман: жамоа ҳатто ўзи устунлик қилаётган пайтда ҳам рақибга имкониятлар бериб қўймоқда, шу сабабли плей-офф босқичларидан ўтиш ҳаддан ташқари мураккаб бўлиб қолди.

Биз юқори савиядаги барқарорликсиз бу даражада қолишга умид қилолмаймиз. Узр-у, лекин кейинги мавсумдаёқ бу жамоага элита даражасидаги марказий ҳимоячилар керак. Агар сизда бўш ҳудудларни ёпиш учун чидамлилик ёки тезлик етишмаса, сиз ўзингизни ҳақиқий даҳшатга маҳкум этасиз. Бу шунчаки омадсиз оқшом эмас — бу дарҳол ечим талаб қиладиган тизимли муаммодир», — деди Анри.

Анрининг фикрича, каталонияликлар нафақат таркибни янгилаши, балки ҳимоядаги тактик ёндашувини ҳам тубдан қайта кўриб чиқиши зарур.