Мадриднинг "Реал" клуби бош мураббийи Альваро Арбелоа "Бавария"га қарши ўйин олдидан ўз жамоаси футболчиларига мурожаат қилди. Бугун Мюнхенда "қаймоқранглилар" ва Германия гранди ўртасидаги чорак финал жавоб баҳси бўлиб ўтади. Ўйин Тошкент вақти билан тунги соат 00:00 да бошланиши режалаштирилган.
The Touchline нашрининг El Chiringuitoга таяниб хабар беришича, Мадрид клуби устози ўйинга бир сутка қолганда футболчиларга ўз насиҳатларини берган:
"Агар ярим финалга чиқишни истасангиз, ушбу ўйинда голли вазиятларимизни қўлдан чиқармаслигимиз керак".
Эслатиб ўтамиз, биринчи учрашувда "Реал" ўз уйида — "Сантьяго Бернабеу"да "Бавария"га 1:2 ҳисобида имкониятни бой берган эди. Ушбу жуфтлик ғолиби ярим финалда "ПСЖ" билан куч синашади.
