Madridning "Real" klubi bosh murabbiyi Alvaro Arbeloa "Bavariya"ga qarshi o‘yin oldidan o‘z jamoasi futbolchilariga murojaat qildi. Bugun Myunxenda "qaymoqranglilar" va Germaniya grandi o‘rtasidagi chorak final javob bahsi bo‘lib o‘tadi. O‘yin Toshkent vaqti bilan tungi soat 00:00 da boshlanishi rejalashtirilgan.

The Touchline nashrining El Chiringuitoga tayanib xabar berishicha, Madrid klubi ustozi o‘yinga bir sutka qolganda futbolchilarga o‘z nasihatlarini bergan:

"Agar yarim finalga chiqishni istasangiz, ushbu o‘yinda golli vaziyatlarimizni qo‘ldan chiqarmasligimiz kerak".

Eslatib o‘tamiz, birinchi uchrashuvda "Real" o‘z uyida — "Santyago Bernabeu"da "Bavariya"ga 1:2 hisobida imkoniyatni boy bergan edi. Ushbu juftlik g‘olibi yarim finalda "PSJ" bilan kuch sinashadi.