Мюнхеннинг «Бавария» клуби ярим ҳимоячиси Леон Горецка Мадриднинг «Реал»ига қарши ўйин олдидан жамоанинг кайфияти ҳақида фикр билдирди. Бир ой ичида иккинчи бор тўқнаш келаётган клублар ўртасидаги баҳс УЕФА Чемпионлар Лигаси чорак финали доирасида 15 апрель оқшомида «Альянц Арена»да бўлиб ўтади.
«Биз кимга қарши ўйнашимизни ва бу қандай ўйин эканлигини жуда яхши тушуниб турибмиз. Мадридда улар қанчалик тез вазиятлар ярата олишини кўрдик. Шундай экан, бизга ҳеч қандай огоҳлантиришларнинг кераги йўқ», — дея футболчининг сўзларини УЕФА расмий сайти келтирмоқда.
Дастлабки учрашув Бундеслига вакилларининг 2:1 ҳисобидаги ғалабаси билан якунланган эди. Жавоб ўйинининг бошланиши Тошкент вақти билан тунги соат 00:00 га режалаштирилган. Учрашувни словениялик Славко Винчич бошчилигидаги ҳакамлар бригадаси бошқариб боради.
