Узоқ йиллар давомида “Навбаҳор” жамоасида маъмур сифатида фаолият юритиб, жамоанинг ютуқларига муносиб улуш қўшган Владимир Камолов оламдан ўтди.
Камоловнинг футболга бўлган меҳри юқори бўлганлиги боис “Навбаҳор”га ишга ўтганди. Фаолияти давомида барчанинг кўнглини олишни уддасидан чиққан Камолов ўзбек футболида ўзига хос ўринга эга бўлганди. Футбол жамоатчилиги орасида ҳурмат қозонгани учун бошқа шаҳарларга хизмат сафари билан борганимизда, доимо Владимир Камолов ҳақида сўраб, унга салом етказишни илтимос қилишарди.
Эндиликда ана шундай футбол фидоийси орамизда йўқ. ”Сўгдиёна” футбол клуби раҳбарияти, жамоа аъзолари Владимир Камоловнинг оила аъзоларига ҳамдардлик билдиради.
