Мадриднинг «Реал» клуби ушбу мавсумни совринларсиз якунлашга яқин турибди.

Январь ойида жамоа бошқарувини қўлга олган Альваро Арбелоа шогирдлари Чемпионлар лигаси чорак финалида «Бавария»га ҳар икки ўйинда ҳам имкониятни бой бериб (1:2 ва 3:4), мусобақани тарк этди.

Бу мадридликлар учун мавсумдаги ягона зарба эмас. Аввалроқ «қироллик клуби» Испания Кубогида камтарона «Альбасете» жамоасига 2:3 ҳисобида мағлуб бўлиб, турнирдан чиқиб кетган эди.

Ла Лигада ҳам вазият ҳаминқадар: чемпионат якунланишига 7 тур қолганда «Реал» пешқадам «Барселона»дан 9 очко ортда қолмоқда.