Madridning «Real» klubi ushbu mavsumni sovrinlarsiz yakunlashga yaqin turibdi.
Yanvar oyida jamoa boshqaruvini qo‘lga olgan Alvaro Arbeloa shogirdlari Chempionlar ligasi chorak finalida «Bavariya»ga har ikki o‘yinda ham imkoniyatni boy berib (1:2 va 3:4), musobaqani tark etdi.
Bu madridliklar uchun mavsumdagi yagona zarba emas. Avvalroq «qirollik klubi» Ispaniya Kubogida kamtarona «Albasete» jamoasiga 2:3 hisobida mag‘lub bo‘lib, turnirdan chiqib ketgan edi.
La Ligada ham vaziyat haminqadar: chempionat yakunlanishiga 7 tur qolganda «Real» peshqadam «Barselona»dan 9 ochko ortda qolmoqda.
