«Бавария» ярим ҳимоячиси Йозуа Киммих Чемпионлар Лигаси ярим финали доирасидаги «ПСЖ»га қарши баҳс олдидан ўз кутилмалари билан ўртоқлашди.
«Европанинг энг яхши икки жамоаси юзма-юз келади. Сўнгги йилларда биз «ПСЖ»га қарши кўплаб ажойиб ўйинлар ўтказганмиз. Ушбу учрашувларни интиқлик билан кутяпман», – деди Киммих DAZN нашрига берган интервьюсида.
Биринчи тўқнашув Парижда бўлиб ўтади – у 28 апрелга белгиланган. Жавоб ўйини эса 6 май куни Мюнхенда ўтказилади.
Эслатиб ўтамиз, финалнинг иккинчи йўлланмаси учун «Арсенал» ва «Атлетико» жамоалари ўзаро кураш олиб борадилар.
