«Бавария» бош мураббийи Венсан Компани Чемпионлар Лигаси 1/4 финали доирасида Мадриднинг «Реал» клубига қарши кечган жавоб ўйинидан сўнг журналистлар билан суҳбатлашди. Мюнхенликлар ўз майдонларида баҳс сўнггида урилган иккита гол эвазига ғалаба қозонишди (4:3) ва икки ўйин натижасига кўра (6:4) ярим финалга йўл олишди.

«Жуда ҳиссиётларга бой ўйин бўлди. Биз тўпга кўп эгалик қилдик ва ҳар сонияда гол уришимиз мумкинлигини ҳис қилиб турдик. Лекин «Реал» — бу «Реал». Уларда исталган лаҳзада жазолай оладиган жуда тезкор футболчилар бор.

Бугун жамоамиз руҳий барқарорлик намойиш этди ва қийинчиликларга тўғри муносабат билдирди. Мухлисларнинг қўллаб-қувватлаши ҳам муҳим рол ўйнади. Биз хотиржамликни сақлаб қолдик ва ўз вақтимиз келишини сездик. Ҳаққоний ғалаба», – деди Компани DAZN нашрига берган интервьюсида.

Ярим финалда «Бавария» Франциянинг «ПСЖ» жамоаси билан куч синашади. Мадридликларнинг мусобақадаги юриши эса Мюнхенда тўхтади.