Лондоннинг «Арсенал» клуби бош мураббийи Микель Артета Чемпионлар Лигаси 1/4 финали доирасида Лиссабоннинг «Спортинг» жамоаси устидан қозонилган ғалабадан (икки ўйин натижасига кўра) кейин ўз таассуротлари билан ўртоқлашди.

«Клубимиз тарихида илк бор кетма-кет икки марта Чемпионлар Лигаси ярим финалига чиқди – бу биз учун жуда муҳим палла. Европанинг энг кучли тўртта жамоаси қаторидан жой олиш – ҳайратланарли муваффақият ва бунга тинимсиз меҳнат эвазига эришилди.

Бунинг учун футболчиларга раҳмат айтиш керак. Менимча, охирги 15-20 дақиқада ўйинни жуда яхши назорат қилдик. Умуман олганда, оқшом ажойиб ўтди. Мен футболчиларимиз учун хурсандман», – деди Артета TNT Sports нашрига берган интервьюсида.

Ярим финалда «канонирлар» Мадриднинг «Атлетико» клуби билан тўқнаш келишади.