Londonning «Arsenal» klubi bosh murabbiyi Mikel Arteta Chempionlar Ligasi 1/4 finali doirasida Lissabonning «Sporting» jamoasi ustidan qozonilgan g‘alabadan (ikki o‘yin natijasiga ko‘ra) keyin o‘z taassurotlari bilan o‘rtoqlashdi.
«Klubimiz tarixida ilk bor ketma-ket ikki marta Chempionlar Ligasi yarim finaliga chiqdi – bu biz uchun juda muhim palla. Yevropaning eng kuchli to‘rtta jamoasi qatoridan joy olish – hayratlanarli muvaffaqiyat va bunga tinimsiz mehnat evaziga erishildi.
Buning uchun futbolchilarga rahmat aytish kerak. Menimcha, oxirgi 15-20 daqiqada o‘yinni juda yaxshi nazorat qildik. Umuman olganda, oqshom ajoyib o‘tdi. Men futbolchilarimiz uchun xursandman», – dedi Arteta TNT Sports nashriga bergan intervyusida.
Yarim finalda «kanonirlar» Madridning «Atletiko» klubi bilan to‘qnash kelishadi.













