Стив Макманаман «Реал» клубини «Бавария»дан учралган мағлубиятда Эдуардо Камавингани майдондан четлатган ҳакам Славко Винчични айбламасликка чақирди.
Мадридликларнинг собиқ ярим ҳимоячиси TNT Sports эфирида жамоанинг муваффақиятсизлиги сабабларини шундай изоҳлади.
«Реал» ўз интизомсизлигининг қурбони бўлди. Айбдорларни фақат ўз кийиниш хонасидан излаш керак. Булар кичик деталлардек туюлиши мумкин, лекин улар мана шундай оқибатларга олиб келади», — деди Макманаман.
Эслатиб ўтамиз, ушбу баҳсда Камавинга иккинчи сариқ карточка, Арда Гюлер эса ўйиндан кейинги эътирозлари учун тўғридан-тўғри қизил карточка олган эди.
