Дортмуднинг "Боруссия" клуби польшалик ҳужумчиси Роберт Левандовски Англиянинг "Манчестер Сити" ва "Челси" каби гранд клубларга ўтишни хоҳламаганини, ваҳоланки унда бу борада таклифлар бўлганини таъкидлаб ўтди.
"АПЛ клубларига ўтиш бўйича иккита таклифни рад этдим ва "Боруссия" билан шартномамни узайтиришга қарор қилдим. Жозе Моуриньо мени "Челси"га таклиф қилиб смс жўнатганди. Албатта, шундай буюк мураббий менга хат ёзгани қувонарли бўлди.
Бу воқеадан бир йил олдин эса сер Алекс Фергюсон билан гаплашгандим. Менда бу унутилмас таассурот қолдирган. Лекин ўшанда ҳам мен бошқа бирор топ-клуб ҳақида ўйламай Дортмунд учун ўйнашни хоҳладим.
"Реал" президенти Чемпионлар лигаси яримфиналидан сўнг мени жамоасига таклиф этганида ҳам "йўқ" деганман", дейди Роберт Левандовски Goal.com мухбири билан суҳбатда.













