Машҳур собиқ футболчи Тьери Анри Мадриднинг «Реал» клуби ярим ҳимоячиси Арда Гюлернинг ўйинидан ҳайратда эканлигини билдирди.

21 ёшли туркиялик футболчи Мюнхенда «Бавария» дарвозасига дубль қайд этди: у аввалига Мануэль Нойернинг қўпол хатосидан унумли фойдаланди, сўнгра жарима зарбасидан йўллаган бевосита зарбаси билан гол урди.

«Гюлер шунчаки футбол ўйнамайди — у масъулиятни ўз зиммасига олади. Сўзсиз жаҳон даражаси. Мюнхенда «Бавария»га қарши ўйинда босим остида ўзини кўрсата олиш жуда муҳим. У ҳеч қачон яширинмайди, доимо тўпни сўрайди. Мен учун у энди шунчаки истиқболли ўйинчи эмас — у аллақачон жаҳон футболида ўз аҳамиятини исботлаб бўлди», — дея Анрининг сўзларини келтирмоқда MatchDay Central.