«Бавария» бош мураббийи Венсан Компани Чемпионлар лигаси чорак финалининг жавоб ўйинида «Реал» устидан қозонилган ғалабадан сўнг ўз ҳис-туйғулари билан ўртоқлашди.

Мюнхенликлар икки ўйин натижасига кўра (2:1, 4:3) ярим финалга йўл олишди.

«Айтиш қийин, лекин Бельгияда «Андерлехт»ни бошқариб, «Стандард»ни мағлуб этганингда… Бу доим жуда ҳиссиётларга бой ўйин бўлади. Менимча, ҳозирги ҳиссиётларим ундан у қадар фарқ қилмайди.

«Бёрнли» билан «Блэкберн»ни икки марта мағлуб этганимиз ёдимда. Бу ерда ҳеч ким ўша ўйинни ҳозиргиси билан солиштиришни истамаса керак… Лекин бу ақл бовар қилмас эди.

Мен буни футболчи сифатида ҳам бошдан кечирганман. «Бавария» учун бу ажойиб туйғу, гарчи «Реал Мадрид» ҳозир худди шундай нарсани ҳис қилмаётганига ишончим комил бўлса-да», – деди Компани ўйиндан кейинги матбуот анжуманида.

Бельгиялик мутахассис мураббийлик фаолиятини 2019 йилда «Андерлехт»да ўйнайдиган мураббий сифатида бошлаган. «Бернли» бошқарувида эса Компани Чемпионшип ғолиблигини қўлга киритган эди.