Лондоннинг «Арсенал» клуби собиқ ҳужумчиси Иан Райт «тўпчилар»нинг баҳорги муваффақиятсиз иштирокига муносабат билдирди. Сўнгги бешта баҳсда жамоа фақат бир бор ғалаба қозонган.
«Бу ўйинларни томоша қилиш оғриқли. Ичимни азоб кемиряпти. Энг ёмони — жамоага бўлган ишончимни йўқотаётганим. Мен мураббий ва ўйинчиларга қаттиқ ишонгандим, лекин улар яна ўша аввалги ҳолатга қайтиб қолишди», — деди Райт The Overlap подкастида.
Ҳозирда Микель Артета шогирдлари АПЛ турнир жадвалида «Манчестер Сити»дан 6 очко олдинда борган ҳолда пешқадамлик қилмоқда. Навбатдаги турда лондонликлар айнан «шаҳарликлар» меҳмони бўлишади.
