Londonning «Arsenal» klubi sobiq hujumchisi Ian Rayt «to‘pchilar»ning bahorgi muvaffaqiyatsiz ishtirokiga munosabat bildirdi. So‘nggi beshta bahsda jamoa faqat bir bor g‘alaba qozongan.
«Bu o‘yinlarni tomosha qilish og‘riqli. Ichimni azob kemiryapti. Eng yomoni — jamoaga bo‘lgan ishonchimni yo‘qotayotganim. Men murabbiy va o‘yinchilarga qattiq ishongandim, lekin ular yana o‘sha avvalgi holatga qaytib qolishdi», — dedi Rayt The Overlap podkastida.
Hozirda Mikel Arteta shogirdlari APL turnir jadvalida «Manchester Siti»dan 6 ochko oldinda borgan holda peshqadamlik qilmoqda. Navbatdagi turda londonliklar aynan «shaharliklar» mehmoni bo‘lishadi.
