Лондоннинг «Арсенал» клуби ярим ҳимоячиси Мартин Субименди аввалроқ уни «Реал» билан боғлаган миш-мишларга муносабат билдирди.

«Исмингни «Реал» билан боғлашлари у қадар ёмон эмас. Лекин бу энди ўтмишда қолди. Мен бор эътиборимни жамоамга қаратганман ва ҳозирги турган жойимда бахтлиман», — деди Субименди Cadena SERга берган интервьюсида.

Эслатиб ўтамиз, ўтган ёзда Мартин Субименди «Реал Сосьедад»дан «Арсенал»га кўчиб ўтган эди. Ўшандан бери ярим ҳимоячи 48 та ўйин ўтказиб, 6 та гол урди ва шерикларига 3 та голли узатмани амалга оширди.

Нуфузли Transfermarkt портали 27 ёшли Субимендини 80 миллион еврога баҳоламоқда.