Шу дам олиш кунлари Англия Премьер-лигасида «Челси» ва «Манчестер Юнайтед» жамоалари ўртасида баҳс бўлиб ўтади. Лондонликлар бош мураббийи Лиам Росеньор рақиб жамоа устози Майкл Кэррик ҳақида ўз фикрларини билдириб ўтди.
«Биринчи навбатда, мен Кэррикка футболчи сифатида жуда қойил қолганман. Мураббий сифатида эса у «Мидлсбро»да фантастик ишни амалга оширди. Унинг бошқарувида «Манчестер Юнайтед» яхши натижалар кўрсатаётганидан ажабланмайман», — деди Росеньор матбуот анжуманида.
«Челси» 48 очко билан Англия чемпионати турнир жадвалида олтинчи поғонани эгаллаб турибди. «Манчестер Юнайтед» эса 55 очко жамғарган ҳолда учинчи ўринда бормоқда.
