«Челси» ярим ҳимоячи Энцо Фернандесни Мадридда яшаш истаги ҳақидаги гапларидан сўнг иккита ўйинга четлатган эди. Яқинда аргентиналик футболчи машғулотларга қайтди. Пайшанба кунги матбуот анжуманида мураббий Лиам Росеньордан Энцо «Манчестер Юнайтед»га қарши бўлажак ўйинда асосий таркибда майдонга тушадими ёки йўқми, деб сўрашди.
«Мен ҳеч қачон асосий таркибни олдиндан айтмайман. Бундай муҳим ўйинга икки кун қолганда таркибни очиқлаш ақлсизлик бўларди. Шуни айта оламанки, Энцо машғулотларда қатнашди ва жуда яхши шуғулланди. Ҳаммаси одатдагидек – таркиб бўйича қарор ўйин олдидан қабул қилинади», — деди Росеньор журналистларга.
«Челси» шанба куни, 18 апрель куни «Манчестер Юнайтед»ни қабул қилади.
