2020 йилдан бери Испаниянинг «Бетис» клубини бошқариб келаётган Мануэль Пеллегрини Европа Лигаси чорак финалидан ўрин олган жавоб учрашуви олдидан ўз фикрлари билан ўртоқлашди. «Бетис»нинг рақиби Португалиянинг «Брага» жамоаси бўлиб, дастлабки баҳсда жамоалар 1:1 ҳисобида дуранг ўйнашган эди.

«Сафарда дуранг қайд этганимиздан сўнг, зиммамиздаги масъулият янада ошди. Биз у ерда ютқазмаслик вазифасини уддаладик, бироқ ҳозирча фаворит йўқ», — деди Пеллегрини УЕФАга берган интервьюсида.

Мавсум давомида саломатлиги билан боғлиқ муаммоларга дуч келган Иско тўпиғидаги синиш жароҳатидан сўнг тикланди, аммо мураббий унинг тўлиқ ўйинни ўтказа олмаслигини таъкидлаб ўтди.

Ушбу жуфтлик ғолиби ярим финалда «Фрайбург» ёки «Сельта» жамоаларидан бири билан тўқнаш келади. «Бетис» ва «Брага» ўртасидаги учрашув Тошкент вақти билан соат 00:00 да бошланади.