«Атлетико» ҳимоячиси Марк Пубиль Чемпионлар лигаси чорак финали доирасида «Барселона»га қарши кечган дастлабки ўйиндаги (2:0, жавоб ўйини – 1:2) шов-шувли вазиятга изоҳ берди.
Ўйиннинг 54-дақиқасида мадридликлар футболчиси дарвозабон Хуан Муссо узатиб берган тўпни жарима майдончаси ичида қўли билан ушлаган эди. Бош ҳакам Иштван Ковач ушбу вазиятга эътибор қаратмади ва пенальти белгиламади. Ўйиндан сўнг «Барселона» УЕФАга шикоят қилди.
«УЕФА аллақачон ўз версиясини тақдим этди, шунинг учун бу мавзуни давом эттиришга ҳожат йўқ. Менинг фикрим аниқ: бундай вазият учун ҳуштаги чалинмаслиги керак, шу боис бошқа айтадиган гапим йўқ», – деди Пубиль.
