«Atletiko» himoyachisi Mark Pubil Chempionlar ligasi chorak finali doirasida «Barselona»ga qarshi kechgan dastlabki o‘yindagi (2:0, javob o‘yini – 1:2) shov-shuvli vaziyatga izoh berdi.
O‘yinning 54-daqiqasida madridliklar futbolchisi darvozabon Xuan Musso uzatib bergan to‘pni jarima maydonchasi ichida qo‘li bilan ushlagan edi. Bosh hakam Ishtvan Kovach ushbu vaziyatga e’tibor qaratmadi va penalti belgilamadi. O‘yindan so‘ng «Barselona» UEFAga shikoyat qildi.
«UEFA allaqachon o‘z versiyasini taqdim etdi, shuning uchun bu mavzuni davom ettirishga hojat yo‘q. Mening fikrim aniq: bunday vaziyat uchun hushtagi chalinmasligi kerak, shu bois boshqa aytadigan gapim yo‘q», – dedi Pubil.













