Англия Премьер-лигаси тарихидаги энг яхши тўпурар Алан Ширер хайрия ишлари билан шуғулланмоқда — у имконияти чекланган инсонларга ёрдам беришни мақсад қилган «Million Pound Mission» хайрия жамғармасини ташкил этди.
Ушбу жамғарма қарийб йигирма йилдан бери фаолият юритиб келаётган (2006 йилда ташкил этилган) Ширер номидаги марказ ишини тўлдиради. Ушбу марказда жисмоний хасталикларни реабилитация қилиш бўйича ҳам болаларга, ҳам катталарга бепул ёрдам кўрсатилади.
Бироқ, марказга ташриф буюрувчилар сони 10 минг кишидан ошиб кетгани сабабли, Ширернинг ушбу йўналишдаги фаолияти учун қўшимча маблағ талаб этилди — янги жамғарма айнан шу мақсадда тузилди.
