Angliya Premyer-ligasi tarixidagi eng yaxshi to‘purar Alan Shirer xayriya ishlari bilan shug‘ullanmoqda — u imkoniyati cheklangan insonlarga yordam berishni maqsad qilgan «Million Pound Mission» xayriya jamg‘armasini tashkil etdi.
Ushbu jamg‘arma qariyb yigirma yildan beri faoliyat yuritib kelayotgan (2006 yilda tashkil etilgan) Shirer nomidagi markaz ishini to‘ldiradi. Ushbu markazda jismoniy xastaliklarni reabilitasiya qilish bo‘yicha ham bolalarga, ham kattalarga bepul yordam ko‘rsatiladi.
Biroq, markazga tashrif buyuruvchilar soni 10 ming kishidan oshib ketgani sababli, Shirerning ushbu yo‘nalishdagi faoliyati uchun qo‘shimcha mablag‘ talab etildi — yangi jamg‘arma aynan shu maqsadda tuzildi.
