«Арсенал» бош мураббийи Микель Артета АПЛ дунёнинг энг кучли лигаси деб ҳисобланса-да, нега Чемпионлар лигаси ярим финалида бор-йўғи битта инглиз клуби қолганига изоҳ берди.
«Биз ярим финалда ғалаба қозонишни жуда ҳам хоҳлаймиз. Бу ниҳоятда қийин ва биз нимага эришганимизни тушуниб турибмиз. Бунга тўлақонли лойиқ эдик ва айнан меҳнатимиз билан эришганимиз учун ҳам бундан завқланмоқчимиз.
Турнирда қолган ягона инглиз жамоаси эканлигимиз бежиз эмас. Бизнинг чемпионат ва бундай тақвим одамни даҳшатли даражада чарчатиб юборади.
Биз идеал эмасмиз, айрим жиҳатларни тўғрилашимиз керак ва буни англаймиз. Аммо футболчиларимиз амалга оширган иш жуда қадрли», — деди «Арсенал» бош мураббийи.
