«Барселона» ҳужумчиси Роберт Левандовски жамоанинг яқинда Чемпионлар лигасидан чиқиб кетгани ҳақида фикр билдирди. Мадридда «Атлетико» устидан қозонилган 2:1 ҳисобидаги ғалаба «кўк-анорранглилар»га ярим финалга йўл олиш учун етарли бўлмади.
Биринчи учрашувда Ханс-Дитер Флик шогирдлари ўз майдонларида 0:2 ҳисобида имкониятни бой беришган эди.
«Футболда доим нимадир етишмай қолади. Салоҳиятимиз борлиги аниқ. Жамоада ғалаба қозонишни истайдиган амбицияли футболчилар кўп. Баъзан рақибдан устун бўлсанг ҳам мағлуб бўласан. Футбол ҳар доим ҳам адолатли эмас. Бу оғриқли. Биз ғалаба қозонишни, ярим финалга чиқишни истагандик. Аммо шунақаси ҳам бўлиб туради», — дея 37 ёшли ҳужумчининг сўзларини келтиради Barca Universal.
