«Интер» марказий ҳимоячиси Алессандро Бастони Италия чемпионатининг навбатдаги туридан ўрин олган «Кальяри»га қарши ўйинда иштирок этмайди. Бу ҳақда «La Gazzetta dello Sport» нашри хабар бермоқда.
Манбанинг маълумотларига кўра, ушбу қарор сўнгги воқеалардан сўнг ҳимоячига дам бериш мақсадида клуб ва футболчи томонидан ўзаро келишилган ҳолда қабул қилинган. Клуб, футболчи ва мураббий ўртасидаги муносабатларда ҳеч қандай муаммо йўқлиги алоҳида таъкидланган.
Жорий мавсумда Бастони барча турнирларни ҳисобга олган ҳолда 37 та ўйинда майдонга тушди, 2 та гол урди ва 6 та голли узатмага муаллифлик қилди.
