«Inter» markaziy himoyachisi Alessandro Bastoni Italiya chempionatining navbatdagi turidan o‘rin olgan «Kalyari»ga qarshi o‘yinda ishtirok etmaydi. Bu haqda «La Gazzetta dello Sport» nashri xabar bermoqda.
Manbaning ma’lumotlariga ko‘ra, ushbu qaror so‘nggi voqealardan so‘ng himoyachiga dam berish maqsadida klub va futbolchi tomonidan o‘zaro kelishilgan holda qabul qilingan. Klub, futbolchi va murabbiy o‘rtasidagi munosabatlarda hech qanday muammo yo‘qligi alohida ta’kidlangan.
Joriy mavsumda Bastoni barcha turnirlarni hisobga olgan holda 37 ta o‘yinda maydonga tushdi, 2 ta gol urdi va 6 ta golli uzatmaga mualliflik qildi.
