Opta суперкомпьютери талқинига кўра, «Астон Вилла» Европа Лигаси ғолибига айланади.

Бирмингем клуби ярим финалда «Ноттингем Форест» билан тўқнаш келади, иккинчи жуфтликда эса «Брага» ва «Фрайбург» жамоалари ўзаро куч синашадилар.

Унаи Эмери жамоасининг турнирда ғолиб чиқиш имконияти 42,7% га баҳоланмоқда. Кейинги ўринда «Фрайбург» (20%) қайд этилган бўлса, кучли учликни «Брага» (18,8%) якунлаб берган. «Ноттингем Форест»нинг Европа Лигасидаги зафар қучиш имкониятлари эса энг паст — 18,5% деб топилди.

Эслатиб ўтамиз, Европа Лигасининг ярим финал баҳслари 30 апрель ва 7 май кунлари бўлиб ўтади.