Opta superkompyuteri talqiniga ko‘ra, «Aston Villa» Yevropa Ligasi g‘olibiga aylanadi.
Birmingem klubi yarim finalda «Nottingem Forest» bilan to‘qnash keladi, ikkinchi juftlikda esa «Braga» va «Frayburg» jamoalari o‘zaro kuch sinashadilar.
Unai Emeri jamoasining turnirda g‘olib chiqish imkoniyati 42,7% ga baholanmoqda. Keyingi o‘rinda «Frayburg» (20%) qayd etilgan bo‘lsa, kuchli uchlikni «Braga» (18,8%) yakunlab bergan. «Nottingem Forest»ning Yevropa Ligasidagi zafar quchish imkoniyatlari esa eng past — 18,5% deb topildi.
Eslatib o‘tamiz, Yevropa Ligasining yarim final bahslari 30 aprel va 7 may kunlari bo‘lib o‘tadi.
