«Манчестер Сити» бош мураббийи Хосеп Гвардиола Премьер-лига доирасидаги ўзаро ўйин олдидан «Арсенал» ҳақида ўз фикрларини билдириб ўтди.
«Арсенал» барча жиҳатдан кучли жамоа. Яккакурашларда ҳам, жисмоний курашларда ҳам улар жуда фаол. Улар қайтган тўпларга эгалик қилишда маҳоратли, шунингдек, чуқур ҳимоядан ҳужумга ўтиш фазасида жуда хавфли ҳисобланишади. Бу борада улар энг зўрлар қаторида.
Улар жуда агрессив ўйин намойиш этишади. Бунга қўшимча равишда — стандарт вазиятлари. Айнан шу сабабли ҳам улар ҳозирги эгаллаб турган позицияларига муносибдирлар. Улар Чемпионлар лигасининг ярим финалигача етиб боришди ва бутун мавсум давомида АПЛда пешқадамлик қилишмоқда. Мен ҳали ҳам улар билан ёнма-ён эканимиздан ва рақобатлашаётганимиздан фахрланаман. Афсуски, Чемпионлар лигасида эмас, лекин АПЛ ва бошқа турнирларда курашни давом эттиряпмиз», — деди Гвардиола матбуот анжуманида.
«Манчестер Сити» ва «Арсенал» жамоалари 19 апрель куни майдонга тушишади.
